種下菇、鬆一鬆：MUSHROOM GARDEN

近排生活非常忙碌，學期尾聲PROJECT一籮籮，又要開始準備考試（你有咩），個人變得暴躁，成日想打人，需要搵啲悠閒事情調劑生活。所以最近筆者又上網DOWNLOAD啲APPS黎玩喇！

繼之前寫過嘅育成遊戲，以及上次既無聊遊戲上、下篇之後，今次要介紹嘅係集大成GAME──MUSHROOM GARDEN（又名FUNGHI GARDEN）。呢個遊戲玩法十分簡單，目的就係要求玩家不斷養出蘑菇、新蘑菇同終極新蘑菇！咁即係點呀？

遊戲版面，上面分為四個部分：

LAB、GARDEN、LIBRARY、MANUAL。LAB係洗錢嘅地方，用黎升級工具，如HUMIDIFIER、WARMER、HEAT LAMP，升級嘅目的就係要解鎖，令玩家可以種植更多款式嘅蘑菇。GARDEN係收成嘅地方，賺錢就靠呢度喇！畫面上有一舊木，玩家就係用呢舊木養菇。畫面下方會有五支藥水，用唔同藥水會有唔同嘅效率，直到生出蘑菇後，按落蘑菇度就可以收成架喇;)

至於LIBRARY就係記錄玩家曾經種過嘅蘑菇，初版有30種，爆機後增加6種，爆爆機同更新之後一共有42種蘑菇。

(後記：再更新就有9頁，一共54種）

筆者認為最理想係每隔十五分鐘至三十分鐘就開一次，收成嘅時候見到堆蘑菇生滿哂舊木，加上啲蘑菇又咁得意，心情總會好一點。不過因為最近實在太忙碌喇，有時掛住做野都唔記得收菇，結果啲菇就霉鬼哂，唔小心種出NO.2（２號菇），而筆者現時進度係爆左第一次版！（YEAH）

除左普通版之外，仲有節日/季節限定版，而家推出左嘅有冬季版、聖誕節版（但我冇玩過）、情人節版，4月都已推出新版（CHERRY BLOSSOM），但因為只是一兩天前新推出，所以未種出新菇。

想玩呢？等考完試先啦！因為呢個種菇遊戲真係幾上癮，總唔可以一邊溫書一邊喺度收菇，但見到啲菇霉哂又好難過，所以都係等考完試放長假期先玩下啦:)